Jab hasta hu toh hasne do,
Jab rota hu toh rone do,
Yeh bhi kya baat hui ki jab dekho yeh kehte ho
Chup raho, chup raho, chup raho.
Jab hasta hu toh hasne do,
Jab rota hu toh rone do,
Yeh bhi kya baat hui ki jab dekho yeh kehte ho
Chup raho, chup raho, chup raho.
Kabhi kabhi toh rota hu,
Kabhi kabhi toh rone do,
Yeh bhi kya baat hui ki jab dekho yeh kehte ho
Chup raho, chup raho, chup raho.
Do aasu gire nahi ki koi aaya toffee leke,
Koi aaya chocolate leke, koi aaya ice-cream leke
Do aasu toh girne do,
Gaal toh geela hone do,
Yeh bhi kya baat hui ki jab dekho yeh kehte ho
Chup raho, chup raho, chup raho.
Kyu class humari lete ho, kyu lecture hum ko dete ho,
Jab bhi rota paate ho bas wahin shure ho jaate ho,
Itne bade hokar ke bhi kyu bachchon jaise rote ho,
And much worse, ladka hokar bhi kyu tum ladki jaise rote ho.
Ab kaun in bade ko batlaye,
Ab kaun in bade ko samjhaye
Ki Tendulkar bhi rota hai, Dhoni bhi rota hai,
Ek run se match haarke Virat Kohli bhi rota hai,
Mard ko dard bhi hota hai.
Aap kahenge yeh toh desi hai,
Desi bade rote hai,
Rodger Federer bhi rota hai Nadal bhi rota hai,
Andy Murray ko dekho kitna rota hai.
Aamir khan bhi rota hai, Shah rukhan bhi rota hai
Bade bade Sheron mein aisa chhota mudda hota hai.
Main toh chhota baccha hun,
Main toh chhota baccha hun mujhe chhota hi rehne do.
Yeh toh mera bachpan hai,
Bachpan ko bachpan hi rehne do,
Yeh bhi kya baat hui ki jab dekho yeh kehte ho
Chup raho, chup raho, chup raho.
